Vapoyev H.M., Jo’rayev I.I., Sattorov Y.S., Axtamov D.T. Umumiy kimyodan

Nazariy, amaliy va tajriba ishlarini bajarish uchun o’quv qo‘llanma. — Navoiy: Navoiy davlat konchilik va texnologiyalar universiteti akademik litseyi kimyoviy texnologiya bo’limi, 2024. — 207 b.Akademik litsey o’quvchilari hukmiga havola qilinayotgan ushbu o’quv qo‘llanma kimyo fanidan akademik litseyning kimyoviy texnologiya yo’nalishi talabalari uchun mo‘ljallab yozilgan bo‘lib, unda har bir mavzuning ixchamlashtirilgan nazariy asoslari, tajriba ishlari metodikasi, turli murakkablikdagi masalalar va ularning yechimlari hamda mustaqil yechish uchun masalalar berilgan. O’quv qo‘llanmada turli sxemalar, zarur bo‘lgan joylarda reaksiya mexanizmlarining berilishi, kimyoviy hodisalar va kimyoviy jarayonlar borishi qonuniyatlarini yanada chuqur o‘zlashtirishga yordam beradi.
O’quv qo‘llanmaning o‘ziga xosligi shundan iboratki, unda kimyoga doir o‘qituvchi va talabalarga kerak bo‘lgan turli murakkablikdagi masalalarni yechish uchun zarur bo‘lgan nazariy ma’lumotlar qisqa, sodda va ravon tilda, ixchamlashtirib berilgan.
O’quv qo‘llanmada muhim fizik-kimyoviy kattaliklar jadvallarining berilishi talabalar uchun undan foydalanishda yanada qulaylik tug‘diradi.