Аҙнабаев Әхмәр (төҙ.) Төрки телдәрҙең сағыштырма граматикаһы

Юғары уҡыу йорттары студенттары өсөн дәреслек. — Өфө: М. Аҡмулла ис. Башҡорт ДПУ, 2011. — 223 б. — ISBN 9785879786897.Сравнительная грамматика тюркских языков.Билдәле булыуынса, башҡорт филологияһы факультеттары булған юғары уҡыу йорттарында “Төрки телдәрҙең сағыштырма грамматикаһы” тигән курс уҡытыла. Программаһы ла раҫланып нәшер ителгән. Үҙ заманында проф. Ж. Кейекбаевтың да (рус телендә) бындай программаһы донъя күргәйне. Был курстан имтихан да ҡаралған, тимәк, курстың етдилеге, йәш белгестәр өсөн кәрәклеге шик тыуҙырмай. Башҡорт теле уҡытыусыһы үҙ телен бик яҡшы белергә тейеш – был аксиома. Әммә уға, бигерәк тә яҡшы белгес булырға әҙерләнгән йәш кешегә, хәҙерге башҡорт телен белеү генә етмәй, ул уның үткәнен дә, тарихи үҫеш юлдарын, шулай уҡ яҡын һәм алыҫ ҡәрҙәш телдәрҙе лә һис юғында теоретик планда булһа ла белергә кәрәк. Был турала үҙ заманында бөйөк философ һәм ғалим Ф. Энгельс та әйтеп ҡалдырған: “Әсә теленең материяһын һәм формаһын ул телдең сығышын һәм әкренләп үҫешен күҙәткәндә генә аңларға мөмкин; әгәр, беренсенән, ул телдең үҙенең иҫкергән формалары һәм, икенсенән, үлгән һәм йәнле ҡәрҙәш телдәрҙең факттары иғтибарһыҙҡалдырылһа, быны аңлау мөмкин түгел”.